Në emisionin “Kampionët”, ishte i ftuar trajneri i futbollit dhe ish-futbollisti i shumë skuadrave në Kosovë, Kastriot Rexha.

Gjatë diskutimit për xhiron e 20-të të luajtur në ALBI Mall Superligën e Kosovës, ai ka thënë se ka mbetur i impresionuar nga dominimi i Dritës ndaj skuadrës së Dukagjinit.

“Fitore bindëse e Dritës, dominim të tillë nuk kam parë ndonjëherë në futbollin kosovar”, ka thënë Rexha.

Ai më pas ka thënë se skuadra e Dritës është një nivel tjetër, dhe se kjo skuadër posedon cilësi të lartë.