Deputeti i LV-së, Armend Muja, ka thënë se e ka dëgjuar me kujdes fjalimin e përfaqësuesit të Lartë të BE-së për politikë të Jashtme, Josep Borrell.

Diplomati spanjoll pas takimit trepalësh në Bruksel mes kryeministrit të Kosovës, Albin Kurti dhe presidentit të Serbisë, Aleksandar Vuçiq, përmendi njohjen e pasaportave, vendosjen e marrëdhënieve në një nivel të ri ndërmjet Kosovës dhe Serbisë.

Ndërkohë, sipas Mujës, ai për herë të parë kaloi nga dalogu Prishtinë – Beograd në dialog Kosovë – Serbi.

“Harrova edhe një gjë, askund nuk përmendi Asociacion. Ndoshta kemi hyrë në epokën ku Qeveria e Republikës nuk lejon më të bisedojë për territorializim e struktura mono-etnike?!”, shkroi Muja në Facebook.