![](https://www.epokaere.com/wp-content/uploads/2023/03/4BAC656B-6ED6-43F5-8DAE-52B42EAC6F22.jpeg)
Anija italiane që bartë mjete ushtarake për Kosovën, arrin në Durrës
08 mars 2023
| 00:52
Sot porti i Durrësit ka mirëpritur anijen ushtarake italiane “San Marco”.
Anija logjistike luftarake, e gjatë 136 metra dhe e gjerë 26, mund të mbajë edhe mjete fluturuese, kryesisht helikopterë, si dhe të paktën 350 ushtarë.
Anija i përket klasit San Giorgio, e përbërë nga 3 anije, “San Giorgio”, “San Marco” dhe “San Giusto”, të specializuara në operacionet e uljes së avionëve luftarakë.
Anija në fjalë po mbante disa mjete ushtarake të KFOR që kanë si destinacion final Kosovën.
Ndërkohë që kolona e gjatë e mjeteve ushtarake të KFOR-it, janë parë rreth orës 22:00, në autostradën “Ibrahim Rugova”.