![](https://www.epokaere.com/wp-content/uploads/2022/12/konjufca-2.jpg)
Konjufca uron 8 Marsin: Kërkoj që secili prej nesh të punojmë që të arrihet sa më shpejt barazia gjinore
08 mars 2023
| 12:50
Kryetari i Kuvendit të Kosovës, Glauk Konjufca, ka uruar 8 Marsin, Ditën Ndërkombëtare të Grave, në fillim të seancës së sotme plenare.
Konjufca ka uruar që barazia gjinore të arrihet sa më shpejt.
“Të gjitha grave e vajzave po jua urojmë 8 Marsin, Ky urim nuk është për gjendjen, por për përpjekjet e vazhdueshme për një barazi gjinore, që në të gjithë botën është larg të arrihet, si ideale, si barazi që e synojmë. Kërkojmë që secili prej nesh të punojmë që kjo të arrihet më shpejt”, ka thënë Konjufca.
Ai ka thënë se shpreson që të mos jetë e vërtetë ajo që ka thënë sekretari i përgjithshëm i OKB-së që duhen treqind vjet të arrihet kjo barazi.