![](https://www.epokaere.com/wp-content/uploads/2023/03/ldk-1.jpg)
Abdixhiku e njofton Szunyogin për qëndrimet e LDK-së për dialogun dhe reformën zgjedhore
22 mars 2023
| 15:07
Kryetari i Lidhjes Demokratike të Kosovës (LDK), Lumir Abdixhiku, ka pritur të mërkurën në takim shefin e Zyrës së BE-së në Kosovë, përfaqësuesin e posaçëm të BE-së, ambasadorin Tomas Szunyog.
Gjatë takimit Abdixhiku e njoftoi ambasadorin Szunyog për qëndrimet e LDK-së mbi procesin e dialogut.
Në takim u diskutua dhe për reformën zgjedhore dhe konsensusin partiak në Kosovë për këtë çështje; për kontributin e çmueshëm të LDK-së në procesin e vetingut si dhe për zhvillimet e tjera në Kuvendin e Kosovës.
Abdixhiku ka falënderuar ambasadorin Szunyog për rolin mbështetës të Bashkimit Evropian ndaj Republikës së Kosovës dhe reformave të ndryshme të ndërmarra në partneritet me asistencën e BE-së.