![](https://www.epokaere.com/wp-content/uploads/2018/08/38442512_1860431317350002_3403058792286388224_n.jpg)
Nënshkruhet memorandumi për ndërtimin e rrugës në Gjurgjevik
Ministri i Infrastrukturës, Pal Lekaj, bashkë me ministrin e Forcës dhe Sigurisë së Kosovës, Rrustem Berisha dhe në harmoni të plotë me kërkesat e qytetarëve të Gjurgjevikut të Madh, të shprehura përmes kryetarit të Komunës së Klinës, Zenun Elezaj, nënshkruan të premten memorandumin e mirëkuptimit si tri institucione, për të ndërtuar rrugën në fshatin Gjurgjevik të Madh të Komunës së Klinës.
“Kjo rrugë do të ndërtohet me ndihmën reciproke të Ministrisë së FSK-së, Ministrisë së Infrastrukturës dhe Komunës së Klinës. Kështu do t’i ofrohet mundësia këtij fshati të ketë lidhje më të shpejtë me fshatrat përreth dhe qytetin e Klinës. Gjithashtu kjo do të jetë edhe një mundësi e mirë për t’u zhvilluar pjesët piktoreske të kësaj ane”, është thënë në njoftimin e Ministrisë së Infrastrukturës.
/Epoka e re/