Një zyrtar i ministrisë së mbrojtjes ukrainase ka bërë thirrje që njerëzit të ndalojnë së shpërndari videon që pretendon të tregojë prerjen e kokës së një ushtari ukrainas.

“Ne kërkojmë të ndalojmë shpërndarjen e kësaj videoje, si dhe çdo pamje të ngjashme. Tani pasi të gjithë e kanë parë, prokurorët dhe Gjykata Ndërkombëtare duhet ta shohin atë”, tha zëvendësministrja e Mbrojtjes e Ukrainës, Hanna Maliar, raporton CNN.

Dy video janë shfaqur në mediat sociale javën e kaluar: njëra pretendon të tregojë ekzekutimin e një ushtaraku ukrainas të kapur dhe tjetra pretendon të tregojë trupat e gjymtuar të dy ushtarëve ukrainas të shtrirë në tokë.

“Që në momentet e para pasi u shfaq videoja e ekzekutimit të një ushtari ukrainas nga çnjerëzit rusë, të gjitha shërbimet kompetente ukrainase e kanë studiuar me kujdes për të identifikuar kriminelët e luftës”, tha Maliar në Telegram.

“Sonte, ne po bënim pikërisht këtë së bashku me agjencitë e tjera të zbatimit të ligjit dhe shërbimet speciale”, shtoi ajo.

Maliar gjithashtu u bëri thirrje publikut që të përmbahet nga hamendësimi i identitetit të ushtarit në videon e dukshme të ekzekutimit, duke thënë se autoritetet “po bëjnë gjithçka për të identifikuar të ndjerin”.

Ndërkaq, Kremlini zyrtar ka thënë se vërtetësia e videos duhet të dështomet.