Vladimir Putin dyshohet se është duke iu nënshtruar kimioterapisë dhe rrethi i tij i brendshëm mund të përdorë shëndetin e tij për të komplotuar kundër tij, sipas dokumenteve të zbuluara të Pentagonit.

Kështu së paku ka shkuar mediumi britanik “The Sun”, sipas të cilit, thesari shumë i ndjeshëm i dokumenteve të spiunazhit amerikan që janë shfaqur në mediat sociale javën e kaluar përbën një nga shkeljet më të mëdha të inteligjencës në historinë e ShBA-së dhe rikthen spekulimet në lidhje me përkeqësimin e shëndetit të Putinit.

Sipas mediumit në fjalë, “thashethemet bombë” tregojnë se zyrtarë të lartë të Kremlinit synojnë të shfrytëzojnë luftën në Ukrainë si një dredhi për të “sabotuar” Putinin.

Plani i supozuar është i varur nga Putini i paaftë gjatë marrjes së trajtimit me kimioterapi.

Thashethemet për shëndetin e dobët të Putinit kanë qarkulluar për muaj të tërë dhe tema ka mbetur një burim i fortë spekulimesh brenda qarqeve të inteligjencës perëndimore.

“The Sun” ka raportuar se dokumentet shpërthyese të spiunazhit që dolën në nëntorin e kaluar dukej se konfirmonin se lideri rus ka kancer pankreatik dhe sëmundjen e Parkinsonit në fazën e hershme.

Burimet gjithashtu kanë pohuar se ai kishte një operacion urgjent vitin e kaluar dhe ishte nën përkujdesjen e një ekipi mjekësh të lartë.

Veçanërisht, ish-kreu i “MI6”, Sir Richard Dearlove, ka paralajmëruar se “ditët e Putinit janë të numëruara”.

Shefi i spiunazhit i ka thënë “The Sun Online” në shkurt se shëndeti i përkeqësuar i despotit do të çojë në “zhdukjen ose kolapsin” e tij të papritur – duke shkaktuar një fund të shpejtë dhe ndoshta të dhunshëm të administratës së tij.

Ukraina ka këmbëngulur shpesh se Rusia po përdor një sozi të Putinit në shfaqje publike pas paraqitjeve të mëparshme të liderit me fytyrë të fryrë, këmbë që i dridheshin, çalë dhe shenja të dyshimta në duart e tij.

Kreu i inteligjencës mbrojtëse të Ukrainës, Kyrylo Budanov, ka pohuar se ai “do të vdesë shumë shpejt nga kanceri” dhe gara “tashmë” është duke u zhvilluar për të kërkuar “kurorën” e tij nga rivalët në Kremlin.

Ndërkohë vë në pah mediumi britanik, sipas dokumenteve të zbuluara rishtazi, informacioni i komplotit për të sabotuar Putinin ka ardhur nga një burim i paidentifikuar rus me qasje në qarqet e brendshme të Kremlinit.

Ai ka përmendur në mënyrë specifike sekretarin e Këshillit të Sigurisë Kombëtare të Rusisë, Nikolay Patrushev dhe shefin e shtabit të përgjithshëm rus, Valeriy Gerasimov, si organizatorët e komplotit të supozuar.