Trepça ’89 ka shënuar fitore me përmbysje ndaj Llapit, me rezultat 2-1, në kuadër të xhiros së 29-të në Superligën e Kosovës.

Golin e parë të takimit e realizoi Ilir Krasniqi për vendasit në minutën e 25’. Me këtë rezultat u mbyll pjesa e parë.

Në pjesën e dytë, Abdulah Oyekanmi barazoi shifrat në 1-1. Kur mendohej se ndeshja po shkonte drejt përfundimit me këtë rezultat, në skenë doli Samir Sahiti, i cili me një gol nga penaltia në minutën e katërt të kohës shtesë, ia fitoi ndeshjen skuadrës mitrovicase.

Pasi e shënoi golin, Sahiti u përjashtua nga gjyqtari, pasi shkoi të festonte me tifozët në tribuna.

Trepça’89 pas fitores kalon në pozitën e shtatë me 33 pikë, teksa Llapi me 39 pikë.