Në rrjetet sociale u diskutua shumë për tankun misterioz rus T-90A, i cili ishte parkuar për dy ditë në qytetin Roanoke, në shtetin amerikan të Luizianës.

Tanku, që besohet se është kapur në Ukrainë, u shfaq përpara Qendrës së Udhëtimit dhe Kazinosë Peto, e cila është një restorant, pikë karburanti dhe kazino, të martën e javës së kaluar dhe qëndroi atje deri të enjten në mbrëmje.

Një ekspert i informacionit me burim të hapur (OSINT) pretendon se tanku u gjet nga forcat ukrainase pranë Khersonit në shtator të vitit 2022, pasi u braktis nga ushtarët rusë, shkruan Newsweek.

Ministria e Mbrojtjes: Nuk kemi asnjë informacion

Cody Sellers, menaxher i objektit turistik, tha për Newsweek se tanku mbërriti në një kamion të martën mbrëma dhe qëndroi në parking për dy ditë, pas së cilës u mor të enjten rreth orës 20:00. Ai shtoi se personat që morën tankun nuk ishin ushtarë. Ai i cilësoi si “kontraktorë”.

Ndihmës menaxherja Valerie Mott shkroi në The War Zone se një grup njerëzish u shfaqën me tankun të martën dhe kërkuan ta linin atë në parking sepse “transmisioni në kamion u prish”.

Ministria e Mbrojtjes bëri të ditur se nuk ka asnjë informacion për këtë ngjarje. Eksperti ushtarak Howard Altman shkroi në The War Zone se është e mundur që tanku të ishte pjesë e një ekspozite. Por ai shtoi se nuk e ka të qartë se si ka mbërritur nga Ukraina nëse nuk është importuar nga ushtria.

T-90 tank left at Peto’s Travel Center and Casino, in Roanoke, Louisiana. It is speculated that the truck hauling it broke down. So it was left there. Most likely someone will come and get it. pic.twitter.com/ZxYPaixAFf

— Derek Courson?‍☠️ (@DerektheCleric) April 15, 2023