Flota ruse e Detit të Zi është përballur me një sulm me dron në portin e Krimesë të Sevastopolit në orët e para të së hënës.

Kështu, siç raportojnë mediet e huaja, përcjell Telegrafi, ka thënë guvernatori i qytetit të kontrolluar nga Moska përmes medieve sociale.

“Flota jonë tani po zmbraps një sulm nga dronët…”, shkroi guvernatori, Mikhail Razvozhaev. “Të gjitha shërbimet e qytetit janë në gatishmëri”.

Sevastopol, së bashku me pjesën tjetër të gadishullit të Krimesë, u aneksua nga Rusia në vitin 2014, por njihet ndërkombëtarisht si pjesë e Ukrainës.

Së paku deri më tani nuk ka pasur ndonjë reagim të menjëhershëm nga Ukraina.

Siç kujtojnë mediat, Kievi pothuajse kurrë nuk e merr publikisht përgjegjësinë për sulmet brenda Rusisë dhe në territorin e kontrolluar nga Rusia në Ukrainë.

BREAKING: Ukrainian drone attack reported against Russia's black sea fleet in Sevastopol. Governor says that the "fleet is now repelling the attack of surface drones. All services of the city are on alert" – TASS pic.twitter.com/T4hZl9ikPy

— Faytuks News (@Faytuks) April 24, 2023