Ish kryeministri shqiptar, Pandeli Majko, sot ka vizituar Kukësin. Majko është takuar me kryetarin aktual të Bashkisë së Kukësit, dhe kandidatin e Partisë Socialiste për kryetar të kësaj bashkie, Safet Gjici.

Majko është përgjegjës për menaxhimin e fushatës zgjedhore të Partisë Socialiste për kryetar të Bashkive të veriut të Shqipërisë, Kukës, Has e Tropojë.

Gjatë kësaj vizite respektivisht fushatës parazgjedhore, Majko ka vizituar edhe kantierin e madh tek Ura e Drinit ku është duke u ndërtuar një art inxhinierik me “harkun” ndër më të mëdhatë në botë.

Kështu ka bërë të ditur vet Majko në llogarinë  e vet në “Facebook”:

Sot, me Safetin vizituam ndërtimin e Urës së Drinit të Zi…

Inxhinierët shqiptarë dhe italianë na informuan se kjo urë për “harkun” e saj sot është… e para në botë! Që tani ajo po vizitohet për veçantitë e projektimit dhe ndërtimit të saj!

Ky është një investim prej 30 milionë euro dhe një vepër arti inxhinierik! Ura e Drinit të zi do të lehtësojë lëvizjen drejt Kosovës dhe Kukësit. Ajo përfundon brenda këtij viti!

Gjithmonë përpara!