Shakira po mundohet të mësohet me jetën e saj të re në Miami pas ndarjes së saj nga ish-futbollisti i Barcelonës Gerard Pique në qershor 2022. Fëmijët e ish-çiftit, Milan dhe Sasha, po ashtu janë përballur me mjedisin e tyre të ri dhe janë parë duke shoqëruar nënën e tyre në ngjarjet sportive dhe muzikore.

Pavarësisht nga koha relativisht e shkurtër që kolumbianja ka qenë në Miami, ajo ka krijuar shpejt një rreth të ngushtë miqsh. 46-vjeçarja nuk ka hezituar të transmetojë në rrjetet sociale kompaninë e saj të re në Miami dhe sa pak duket se i mungon jeta e saj e kaluar në Barcelonë.

Muzikanti dhe producenti, Emilio Estefan, është bërë pjesë e rëndësishme e jetës së re të Shakirës në Shtetet e Bashkuara. Estefan, i cili është i martuar me artisten kubano-amerikane Gloria Estefan, ka postuar një foto ku shihet duke u përqafuar me Shakirën. Postimi shoqërohet me mbishkrimin: “Ju mirëpresim krahëhapur sepse ne jemi familja juaj!”

Së bashku me Emilio ajo mori pjesë në koncertin e mikut të saj të ngushtë, Juan Luis Guerra, në Fort Lauderdale.

“Çfarë fati dhe çfarë luksi të mund të dëgjosh drejtpërdrejt Juan Luis Guerra, vëllai im dhe një nga artistët që ka mbushur kaq shumë momente të jetës sime dhe të njerëzve të mi”, tha këngëtarja kolumbiane në një Instagram Story.

Djali i saj, Milan, i cili thuhet se është një fans i madh i muzikës, gjithashtu mori pjesë në koncert së bashku me miq të tjerë të ngushtë si Princi Royce dhe Manuel Turizo. Grupi i ngushtë i miqve të Shakira-s po luajnë qartë një rol vendimtar teksa ajo po mundohet që të përshtatet me jetën e saj në Miami.