Kryeministri i Shqipërisë, Edi Rama, ka bërë një ftesë për të gjithë të rinjtë që ta shohin si një mundësi afrimin e tyre me Forcat e Armatosura të Shqipërisë.

Këtë ftesë, Rama e ka shoqëruar me lajmin se pas rritjes së pagave me 30 për qind në vitin 2022 dhe me 7 për qind këtë vit, një tjetër rritje e konsiderueshme deri në 22 për qind do të bëhet realitet në 2024, për të gjithë ushtarakët e Forcave të Armatosura të vendit.

“Një ftesë për të gjithë të rinjtë e të rejat, që ta shohin si një mundësi të re për veten, familjen po edhe atdheun, afrimin e tyre me Forcat e Armatosura të Republikës sonë. Pas rritjes së pagave me 30 për qind në vitin 2022 dhe me 7 për qind këtë vit, një tjetër rritje e konsiderueshme deri në 22 për qind do të bëhet realitet në 2024, për të gjithë ushtarakët e Forcave të Armatosura të Shqipërisë”.

“Respekt për punën e vajzave dhe djemve në uniformë, pjesë e vijës së parë të frontit në mbrojtje të territorit të vendit”, ka shkruar Rama në “Facebook”.