Në Gjykatën Speciale në Hagë është duke vazhduar gjykimi ndaj Pjetër Shalës, ish-epror i Ushtrisë Çlirimtare të Kosovës.

Edhe në seancën e sotme, Shala është duke marrë pjesë virtualisht pasi i njëjti po i shpreh në këtë formë pakënaqësitë e tij me seancat private të Speciales.

Shala kishte deklaruar se të afërmit e tij dhe publiku nuk po arrin t’i dëgjojë pyetjet e mbrojtjes për dëshmitarët dhe ishte larguar nga seanca në formë demonstrative.

Menjëherë më të filluar seanca, pas prezantimit të palëve, ajo është bërë private për vijim të mëtutjeshëm.