Sonte (e martë) në Premierligë rezervon ndeshjen mes Arsenalit dhe Chelseat. Në prag të derbit, ka folur për medie trajneri i bluve të Londrës, Frank Lampard.

Lampard vlerëson në maksimum skuadrën kundërshtare dhe shprehet se këta të fundit mund të fitojnë kampionatin.

“Ata janë ende shumë të etur për të fituar Premierligë. Ata janë një ekip fantastik dhe po bëjnë një sezon të mrekullueshëm. Nëse lëndohen lehtë, mund të reagojnë fuqishëm. Sigurisht që kanë mbetur edhe shumë ndeshje që “elementi” i rrezikut të jetë ende i pranishëm në krye të tabelës dhe në fund. Ata patjetër qëndrojnë në garë. Manchester City ka treguar formë të jashtëzakonshme dhe ne kemi shumë respekt për këtë, por duhet të respektojmë edhe atë që Arsenali ka bërë këtë vit. Ata ende do të besojnë se janë në luftë dhe me të drejtë”, ka thënë Lampard.