Kryeministri i Shqipërisë, njëherësh kryetari i Partisë Socialiste, Edi Rama, i ka goditur sërish kundërshtarët politikë.

Ai e ka publikuar një fotografi duke prezantuar punën e ekipit të tij të Partisë Socialiste.

Rama e ka ngacmuar opozitën duke thënë se po pret fitore duke parë filxhanët e dëshirave.

“Dhe pastaj kur dalin rezultatet nga kutitë, vazhdojnë filxhanosen nëpër ekrane me dëshpërimin e avazit bajat të regjimit, që u grabiti befasisht fitoren imagjinare me kthetrat e krimit”, tha Rama.

Të dielen e 14 majit në Shqipëri u mbajtën zgjedhjet lokale.

Qytetarët shqiptarë patën mundësi të votojnë për t’i zgjedhur 61 kryetarë bashkish.