![](https://www.epokaere.com/wp-content/uploads/2023/05/33724375-587x392-1.jpg)
Call center, sektori që punësoi 30 mijë punëtorë në Kosovë
Call Center shihet si një ndër sektorët i cili ka ofruar shumë vende pune në Kosovë. Llogaritet se 30 mijë persona janë punësuar në këtë sektor derisa ka kapacitete për krijimin e vendeve të reja.
Kjo temë u trajtua dje në një organizim të Odës Ekonomike Gjermano-Kosovare dhe Ambasadës Gjermane në Kosovë.
Nora Hasani, kryetare e Odës Ekonomike Gjermane, ka folur për “Call Center Clean Alliance”, ku ata bashkë me ambasadën kanë krijuar grupin e kompanive të pastra në këtë veprimtari, e ka edhe kompani të cilat mashtrojnë tregun gjermano-folës.
“Lidhja me Gjermaninë është shumë e fortë prej shumë kohësh kur kanë shkuar punëtorët shqiptarë atje dhe njohja e gjuhës është një përparësi e madhe.
Themelimi i Call Clean Alleance është krijuar nga Oda Ekonomike Gjermano-Kosovare dhe Ambasada Gjermane për të bërë diferencimin e kompanive call center që kryejnë shërbime shumë të rëndësishme në tregun gjermanofolës”, theksoi Hasani.