Nënkryetarja e komunës së Prishtinës, Donjeta Sahatçiu, përmes një postimi në Facebook ka bërë të ditur se tash e tutje, sheshet, parqet dhe stacionet e autobusëve në Prishtinë do të kenë shporta të reja xhepi.

Përmes postimit, ajo është shprehur se shportat e xhepit nuk duhet të shndërrohen në deponi.

“Shporta të reja xhepi tash e tutje vetëm në sheshe, parqe dhe pranë stacioneve të autobusit në Kryeqytet!

Me Ilirikun dhe ekipin e Drejtorisë së Shërbimeve Publike po vazhdojmë ndryshimet e domosdoshme për vetëdijësim dhe pastërti.

Shportat e xhepit nuk duhet të shndërrohen në deponi. Jemi pak vonë sipas pritshmërive me kontejnerët e reja të mbeturinave nëpër lagje por shpejtë do të mbyllim edhe këtë proces”, ka shkruar tutje ajo.