“Bandat në veri, të përgatitura për dhunë”
Në emisionin “RTK prime” i ftuar ishte eksperti i sigurisë, Agim Musliu. Duke folur për situatën në veri të Kosovës, ai tha se bandat atje, që ishin të hënën, nuk janë në mesin e atyre më të rrezikshmeve që vijnë nga Serbia, por janë shumë të përgatitura.
Musliu i cili është drejtor ekzekutiv i “OCTOPUS”, u shpreh se i ashtuquajturi ‘Beli Vuk’, është një prej udhëheqësve të tifozëve të Beogradit, i cili është i zhytur në botën e krimit.
“Bandat e djeshme nuk ishin më të rrezikshme që vijnë nga Serbia, por janë të përgatitura për raste të tilla”, tha ai.
“‘Beli Vuk’ është një prej udhëheqësve të tifozëve të Beogradit, i cili është i zhytur në botën kriminale”.
Musliu u shpreh se sigurimi shtetëror i Serbisë i përdor këto banda me dekada të tëra për destruktivitetin e tyre në terrene të ndryshme në ish Jugosllavi, por edhe gjetiu në mbarë botën.
