Derisa ishte duke folur për zhvillimet në veri të vendit, Sheholli zhvilloi një telefonatë me Milan Radoiçiqin live në emision.

Sheholli foli në telefon Radoiçiqin pa interfon, por i transmetoi te moderatori fjalët që ai i tha në telefon.

“Mua Amerika më ka shti në listë të zezë, por tash fillon lista e zezë e vërtetë. Shumë shpejt ia dëgjoni krismën. Kam dosta në të gjitha subjektet politike shqiptare”, citon Sheholli fjalët e Radojçiqit.

Sheholli përcjell fjalët e Radoiçiqit, për të cilin thotë se për situatën në veri i tha: “Pa formim të Asociacionit dhe pa u hequr Njësia Speciale e flamuri Kosovës, nuk ka paqe në veri”.

Ndryshe, ShBA-ja dhe Mbretëria e Bashkuar i kanë vendosur sanksione nënkryetarit të Listës Serbe, Milan Radoiçiq dhe Zvonko Veselinoviqit, lider i një grupi të organizuar kriminal.