Kryetari i Komunës së Pejës, Gazmend Muhaxheri, ka folur të premten lidhur me zhvillimet e fundit politike në vend dhe heqjen e licencës së biznesit për televizionin “Klan Kosova”.

Muhaxheri ka thënë se duhet mbyllur krejt mediet meqë sipas tij janë mediet ato që i kanë ndihmuar Albin Kurtit të fitojë 51 për qind  të votave.

Ai ka kritikuar Kurtin se nuk merr vesh lidhur me punët e shtetit.

“Rendi u kanë me ju mshel tonave, se i keni ndihmu me i bë 51 për qind, tash bajeni. Krejt ia keni mbajt zhagun, na keni pru në kry të shtetit njërin që s’merr vesh për obligimet që i ka ky shtet. Tash mbajeni. Ishalla ju mshel tanve”, ka thënë Muhaxheri për “Nacionale”.