Profesori, Nexhmedin Spahiu ka shpjeguar se çfarë nënkupton deklarata e dhënë disa ditë më parë se ‘’40 ditëshi është përcaktues i 100 viteve të ardhshme’’, raporton Gazeta10.

Ai ka thënë se kjo do të thotë se brenda kësaj periudhe do të peshohet fuqia e institucioneve të Kosovës në njërën anë por edhe dëshira e serbëve për autonomi.

‘’Sepse kjo është periudha të cilën e ka paralajmëruar edhe vetë presidenti Vuçiqi ku kanë me u peshu forcat, sa mundet, sa janë institucionet e Kosovës të forta, sa është e fortë dëshira e serbëve për autonomi. Çfarë autonomie e tyne po i flenë më shumë situatës dhe që krijon paqe në Ballkan mes Kosovës e Serbisë.’’, deklaroi ai.