![](https://www.epokaere.com/wp-content/uploads/2023/06/FzvPJUVX0AEy5kq-1130x635-1-770x433-1-600x360-1.webp)
Sulmohet konsullata amerikane në Arabinë Saudite, vritet roja, edhe agresori
29 qershor 2023
| 08:08
Një ngjarje e rëndë është regjistruar pranë Konsullatës së ShBA-së në Jeddah të Arabisë Saudite. Një person ka hapur zjarr dhe për pasojë roja i këtij institucioni është vrarë
Lajmi u dha nga Agjencia Saudite e Shtypit të mërkurën vonë.
Sipas medieve të huaja, një individ i paidentifikuar ndaloi makinën pranë objektit diplomatik amerikan dhe doli duke mbajtur një armë zjarri përpara se forcat e sigurisë “ta merrnin iniciativën për t’u marrë me të siç kërkohet nga situata”, sipas SPA.
Mësohet se nga shkëmbimi i zjarrit me forcat e sigurisë, është goditur për vdekje agresori. Ndërkohë, plumbave nuk u shpëtoi as roja nga Nepali, që humbi jetën në spital.
Aktualisht po vijojnë hetimet për zbardhjen e motivit dhe rrethanat e ngjarjes.