Kylian Mbappe tërboi klubin dhe tifozët e PSG-së me deklaratën e tij për largim dhe lidhur me këtë deklaratë ka reaguar personi që e ka sjellë Mbappen në PSG NGA Monaco, ish-drejtori sportiv Leonardo.

Braziliani ka thënë se Mbappe nuk është lider dhe duhet të largohet nga PSG-ja.

“Ai nuk është lider, për të mirën e PSG-së duhet të largohet. Nuk ka rëndësi se si, por duhet të largohet. Me sjelljen e tij në dy vitet e fundit ai ka treguar se është një lojtar i madh, por jo një lider. Është e vështirë të ndërtosh një ekip rreth tij. Ai duhet të largohet, klubi ka ekzistuar para tij dhe do të vazhdojë të ekzistojë edhe më pas”, është shprehur Leonardo.