Christian Pulisiq është gati të fillojë aventurën e tij të re me fanellën e Milanit. Sulmuesi amerikan mbërriti në Itali të mërkure në mëngjes.

Faqja zyrtare e Milanit në “Instagram” ka publikuar një video me fjalët e para të folura nga Pulisiq menjëherë pas mbërritjes në Milano: “Përshëndetje tifozë të Milanit, unë jam Christian Pulisiq. Sapo kam zbritur në Milano dhe jam shumë i lumtur që jam këtu. Mezi pres të nisi punën”.