Disa dronë u rrëzuan gjatë natës, tha ai, por një “përfundoi në të njëjtën kullë në kompleksin e ‘Moskva City’” që kishte qenë në cak të dielën, transmeton Telegrafi.

Nuk u raportua për të lënduar nga sulmi i fundit, por vetëm se objekti ishte dëmtuar pak.

Ministria ruse e Mbrojtjes fajësoi Ukrainën për sulmin e fundit. Kievi në shumicën e rasteve nuk komenton mbi këto supozime.

Në një deklaratë të shkurtër, Sobyanin tha se “xhami u shkatërrua mbi 150 metra katrorë” dhe se shërbimet e urgjencës po punonin në vendngjarje.

Pamjet e publikuara në X, tregonin dëmet që kishte pasur ky objekt pasi ishte cak i këtij sulmi. Një video tjetër duket se tregon momentin kur droni fluturon mbi qytet.