Numri i aplikuesve për të studiuar në Universitetin e Prishtinës ka rënë ndjeshëm për vetëm një vit.

Kjo ka shqetësuar edhe Rektoratin e universitetit më të madh publik të vendit.

Numri i të rinjve që kanë aplikuar duket se është vetëm 6 100. Ky numër është ndjeshëm më i vogël se ai i vitit të kaluar. 1 800 të rinj më pak kanë aplikuar.

Nga Rektorati i UP-së kanë thënë se ka pasur rënie edhe të numrit të maturantëve në nivel vendi, ndërkohë që nuk përjashtohet mundësia që ndikuese të jetë edhe largimi i të rinjve nga vendi.

Siç transmeton KosovaPress, organizatat studentore kanë përmendur edhe se shumë të rinj nuk arrijnë të gjejnë punë kur të përfundojnë studimet.