![](https://www.epokaere.com/wp-content/uploads/2023/08/FB_IMG_1692041051059.jpg)
Gjurmë të “qytetit dardan” nga shekulli i VI-të në Ulpianë
Profesorë dhe studentë të Departamentit të Arkeologjisë dhe Historisë të Universitetit të Prishtinës kanë bërë një zbulim të jashtëzakonshëm arkeologjik.
Gjatë punimeve të bëra në Ulpianë (Justiniana Seconda), u zbulua një mbishkrim në Kishën Paleokristiane, dedikim ky i perandorit Justinian (527-565) kushtuar qytetit dardan (Urbem Dardaniae).
Kjo gjetje është ndër zbulimet më të rëndësishme në arkeologjinë e Kosovës, si referencë për vazhdimësinë e rëndësisë së identitetit dardan në antikitetin e vonë dhe mesjetën e hershme.
Vendin e zbulimit, Ulpianën, e vizitoi sot rektori Qerim Qerimi, i cili u informua rreth kësaj gjetjeje të jashtëzakonshme nga profesori Arben Hajdari, kryesues i ekipit punues.
Gërmimet arkeologjike po bëhen në bashkëpunim me Institutin Arkeologjik të Kosovës dhe Ecole Normale Superiuere nga Franca.