Manchester City e ka fituar Superkupën e Evropës.

“Citizens” triumfuan pas penalltive ndaj ekipit spanjoll, Sevilla

Rezultati pas 90 minutave ishte i barabartë, 1:1.

En Nesyri kaloi spanjollët në epërsi në minutën e 25-të të ndeshjes me një gol të bukur me kokë.

Por, shifrat i barazoi Cole Palmer që realizoi po ashtu me kokë në minutën e 63-të pas një asistimi nga Rodri.

Kjo ndeshje nuk pati vazhdime dhe u shkua direkt në ekzekutimin e penalltive.

Aty më të mirë u treguan Manchester City që fituan 5:4.

Ishte Gudelj i vetmi që e humbi penalltinë, duke e goditur traversën.