Presidentja e Kosovës, Vjosa Osmani, ka uruar Ukrainën për Ditën e Pavarësisë.

Ajo ka shkruar se zemra e një kombi rreh brenda popullit të tij dhe në mes të hijeve të një lufte gjenocidale, shpirti i ukrainasve mbetet i pathyer.

“Zemra e një kombi rreh brenda popullit të tij dhe në mes të hijeve të një lufte gjenocidale, shpirti i ukrainasve mbetet i pathyer. Nga një tokë e forcës, demokracisë dhe shpresës në tjetrën, i urojmë popullit të guximshëm të Ukrainës Gëzuar Ditën e Pavarësisë”, ka shkruar Osmani në “X”.

Ukraina shënon sot ( e enjte) 32-vjetorin e pavarësisë nga ish-Bashkimi Sovjetik.

Më 24 shkurt të vitit të kaluar Rusia ka nisur sulmin e paprovokuar ndaj Ukrainës.

Si pasojë e luftës kanë vdekur mijëra persona, janë zhvendosur miliona të tjerë dhe dëmet materiale sa shkojnë e rriten.