Udhëheqësi i “Wagner”-it, Yevgeny Prigozhin, i cili në qershor ishte përpjekur ta rrëzonte udhëheqjen ushtarake të Rusisë, ishte në avionin që është rrëzuar të mërkurën.

Se ai ishte ndër pasagjerët e këtij aeroplani është bërë me dije nga zyrtarët rusë, por vdekja e Prigozhinit nuk është konfirmuar zyrtarisht, shkruan “KyivPost”.

Megjithatë, një kanal “Telegram”-i i lidhur me “Wagner”-in, i titulluar “Zona Grey”, ka thënë se Prigozhin kishte vdekur, duke thënë se është vrarë nga njerëz të paidentifikuar që i ka quajtur “tradhtarë të Rusisë”.