Nuk ka vend për veshje myslimane në shkollat ​​tona. Kështu ka thënë ministri i ri francez i Arsimit, Gabriel Attal, sipas “La Repubblica”.

Qeveria franceze është duke u përgatitur të rihapë institutet. Po ashtu, Franca është duke filluar një betejë të re kundër veshjes myslimane, e cila është shumë e zakonshme në mesin e grave në Lindjen e Mesme dhe që tani vishet edhe nga shumë vajza franceze.

“Abaya” është një fustan i gjerë që ka filluar të shfaqet në shumë shkolla të mesme anembanë Alpeve, duke i vendosur mësuesit dhe drejtorët në vështirësi, të pavendosur se si të sillen në lidhje me ligjin e vitit 2004 që ndalon simbolet fetare.

I miratuar gati 20 vjet më parë, legjislacioni nuk lejon mbajtjen e mbulesës islame në klasë, por as “kippah” për hebrenjtë apo një kryq për të rinjtë e krishterë.

Ligji që zbatohet për të gjitha kultet, tani i pranuar dhe i respektuar, po sfidohet nga një veshje e re e promovuar nga grupe influencuesish myslimanë në “YouTube” me një tendencë fundamentaliste.