![](https://www.epokaere.com/wp-content/uploads/2023/09/IMG_2845.jpeg)
“Tensionet e mundshme në Kosovë”, Lajçak i diskuton në Bruksel me komandantin e KFOR-it, Ristuccia
Emisari i Bashkimit Evropian për dialogun Kosovë-Serbi, Miroslav Lajçak, është takuar në Bruksel me Komandanti Gjeneral Major Ristuccia.
Lajçak ka shkruar në Tëitter se me komandantin e KFOR’it ka biseduar edhe për vlerësimet mbi burimet e mundshme të tensioneve të ardhshme në Veri.
Po ashtu, ai e ka falënderuar atë për rëndësinë që e ka KFOR’i në ndërtimin e një mjedisi të sigurt në Kosovë.
”I mirëpritur @NATO_KFOR Komandanti Gjeneral Major Ristuccia sot në Bruksel. Është e rëndësishme të shkëmbejmë shënime mbi zhvillimet në terren dhe të ndajmë vlerësimet tona mbi burimet e mundshme të tensioneve të ardhshme. Mirënjohës për punën jetike të KFOR-it në ndërtimin e një mjedisi të sigurt në Kosovë”, ka shkruar Lajçak.
KFOR’i është i ngarkuar nga bashkësia ndërkombëtare që të ofrojë siguri në Kosovë.
Gjatë tensioneve në Veri, disa pjesëtarë të këtij misioni janë sulmuar nga protestuesit e dhunshëm serbë.