Ish-ambasadorja e Kosovës në ShBA dhe nënkryetarja e PDK-së, Vlora Çitaku, ka vlerësuar se sot në Bruksel, Kosova ecën në një teren krejtësisht të panjohur.

Me anë të një postimi në  “Facebook”, ajo është shprehur se si rezultat i qasjes siç thënë të papërgjegjshme dhe aventureske të Albin Kurtit, për herë të parë në historinë tonë të re, që nga Rambuje e tutje, në përballje me Serbinë, Kosova është pala e sanksionuar nga aleatët tanë.

“Sot kryeministri duhet të sillet përgjegjshëm. Kosova është më e rëndësishme se egoja e tij”, ka shkruar Çitaku.