Zëvendësdrejtori i Shërbimit Informativ emërohet ambasador në Slloveni
14 shtator 2023
| 16:26
Oljan Kanushi nuk do të jetë më zëvendësdrejtori i Shërbimit Informativ të Shqipërisë.
Vendimi për “lirimin nga detyra” është marrë nga kryeministri Edi Rama i cili ka një tjetër “post” të rëndësishëm për Oljan Kanushin.
Këtë të enjte, vendimmarrja e kreut të Qeverisë Edi Ramës ka marrë dhe “dritën jeshile” me dekret nga presidenti Bajram Begaj.
“DEKRETOJ: Zoti Oljan Kanushi lirohet nga detyra e Zëvendësdrejtorit të Shërbimit Informativ të Shtetit. Ky dekret hyn në fuqi menjëherë“, është thënë në dekretin e firmosur nga Begaj.
Me besimin e Edi Rames, Oljan Kanushi nga sot do të jetë ambasadori i ri i Republikës së Shqipërisë në Slloveni.