Deputeti i vetëm shqiptar në Kantonin e Bernit në Zvicër, Korab Rashiti, në zgjedhjet e datës 22 tetor 2023 është kandidat i partisë UDC (Unioni Demokratik i Qendrës për deputet në Parlamentin Nacional të Zvicrës.

Korab Rashiti ka lindur në Zvicër. Me origjinë është nga fshati Sllatinë e Poshtme e Vitisë.

Pas mbarimit të shkollimit fillor, të mesëm  dhe të lartë ka punuar si asistent i drejtorit të përgjithshëm të hekurudhave në Zvicër dhe pastaj si menaxher i kualitetit dhe sigurisë në punë në të njëjtën ndërmarrje.

Si nxënës i shkollës fillore dhe të mesme është marrë me futboll  dhe ka mbrojtur ngjyrat e ekipit të qytetit Biel/Bienne, ku edhe ka bërë emër në këtë qytet dhe më gjerë.

Me politikë ka filluar të merret para pesë viteve. si anëtar i partisë së UNIONIT DEMOKRATIK TË QENDRËS, (UDC).

Para dy vitesh është zgjedhur Deputet i Kantonit të Bernit.

Në zgjedhjet parlamentare të Zvicrës që do të mbahen më 22 tetor 2023, është kandidat për deputet në Parlamentin Nacional të Zvicrës.