Debat i nxehtë është zhvilluar në Këshillin e Sigurimit të Kombeve të Bashkuara mes Ukrainës, Rusisë dhe SHBA-së. Zelensky prezantoi formulën e tij të paqes dhe kërkoi përjashtimin e Rusisë nga mundësia e vetos.

“Rivendosja e plotë e kontrollit efektiv të Ukrainës mbi të gjithë kufirin shtetëror dhe zonën ekskluzive ekonomike, duke përfshirë Detin e Zi dhe Azov, si dhe në ngushticën e Kerçit. Në fakt, vetëm zbatimi i këtyre dy pikave do të rezultojë në një ndërprerje të ndershme, të besueshme dhe të plotë të armiqësive. Zonja dhe zotërinj, reforma në këto institucione ndërkombëtare u bë pas tragjedive, pas luftërave të mëdha. Ne nuk duhet të presim që të përfundojë agresioni. Ne duhet të veprojmë tani. Në rastet e mizorive masive kundër të drejtave të njeriut, fuqia e vetos duhet të pezullohet vullnetarisht. Por mund të vërejmë gjithashtu se Rusia nuk do të heqë dorë vullnetarisht nga ky privilegj i vjedhur. Prandaj, Asamblesë së Përgjithshme të OKB-së duhet t’i jepet një fuqi reale për të kapërcyer veton. Ky do të jetë hapi i parë i nevojshëm. Është e pamundur të ndalet lufta, sepse të gjitha përpjekjet janë vënë në veton nga agresori”, tha Zelensky.

Sekretari i shtetit, Antony Blinken akuzoi Putini se me luftën e nisur shkatërroi parimet e OKB-së.

“Kjo është një luftë që Putin kërkon të kthejë Rusinë e Madhe. Prej një viti e gjysmë, ka shkatërruar parimet e kombeve të bashkuar të drejtën njerëzore dhe ka vënë veto në më shumë se një rezolutë e Kombeve të Bashkuara. Vetë pushtimi i Rusisë shkel shtyllën e sovranitetin e një vendi”, tha Blinken.

Kurse Lavrov përmendi atë që e quajti dështim të perëndimit për të vendosur demokracinë me dhunë në Afganistan dhe Jugosllavi, ndërsa tha se BE po përshpejton zgjerimin jo për Ballkanin perëndimor, por për Ukrainën.