Ka nisur kortezhi i funeralit të policit Afrim Bunjaku, i cili është vrarë të dielën në fshatin Banjskë të Zveçanit.

Varrimi i tij është paralajmëruar të bëhet nga ora 16:00, në varrezat e fshatit Samadrexhë të Vushtrrisë.

Në ceremoninë e varrimit janë duke marrë pjesë përfaqësues të institucioneve vendore dhe ndërkombëtare.

Bunjaku është shpallur të hënën hero i Kosovës nga presidentja Vjosa Osmani.