Së paku shtatë njerëz kanë vdekur si pasojë e shpërthimit të zjarrit në një klub nate në Murcia në juglindje të Spanjës, ka njoftuar kryetari i këtij qyteti, Jose Ballesta.

Ai ka shtuar se ekipet e shpëtimi janë ende duke kërkuar njerëz të zhdukur pas shpërthimit të zjarrit.

Zjarri ka nisur në orët e hershme të së dielës në klubin e natës Teatre në Atalayas, në periferi të qytetit, ka njoftuar shërbimi emergjent në rrjetin social “X”.

Në pamjet e publikuara nga shërbimi emergjent shfaqën zjarrfikësit duke tentuar ta shuajnë zjarrin brenda klubit të natës. Zjarri e ka shkatërruar një pjesë të kulmit.

“Numri i të vdekurve brenda klubit të natës në Atalayas ka arritur në shtatë. Ndihemi të shkatërruar”, ka thënë Jose Ballesta për televizionin spanjoll 24h, duke shtuar se ekipet e shpëtimit po i kërkojnë ende personat e raportuar si të zhdukur.

Ai ka thënë se zjarri ishte ndezur rreth orës 6:00 të dielën dhe se zjarri është vënë nën kontroll tani.

Ballesta ka thënë se nuk dihet shkaktari i zjarrit dhe se ekipet po punojnë për ta kuptuar këtë.

En estos momentos continúan trabajando los servicios de emergencias para extinguir el incendio producido esta madrugada en una discoteca de la zona Atalayas. pic.twitter.com/h7lvFNrQSJ

— José Ballesta (@Ballesta_Murcia) October 1, 2023