Gazetarja Cheng Lei është kthyer në shtëpinë e saj në Australi, pas më tepër se tri vjetëve të kaluara në paraburgim në Kinë, raporton BBC.

“Ajo është pritur në aeroport nga Ministri i Jashtëm, Penny Wong”,ka njoftuar kryeministri i Australisë, Anthony Albanese.

Cheng Lei po punonte si gazetare e ekonomisë për stacionin televiziv të Kinës, CGTN, kur u arrestua më 13 gusht të vitit 2020. Ajo punonte në kanalin në gjuhën angleze.

Ajo u akuzua më vonë për “spiunazh”.

Akuzat ndaj saj kurrë nuk u bën publike dhe kur nuk pati një dënim.

Albanese ka thënë se ajo është bashkuar me dy fëmijët e saj në Melbourne.

“Qeveria ka kërkuar për një kohë të gjatë kthimin e saj”, ka thënë Albanese.

Ai ka thënë se çështja është mbyllur nëpërmjet “proceseve gjyqësore në Kinë”.

Cheng kishte kaluar gjashtë muajt e parë të paraburgimit në izolim dhe pa akuza.

Në gusht, ajo foli për herë të parë publikisht për arrestimin e saj, duke iu adresuar popullit australian me një letër publike.