Trajneri i AC Milan, Stefano Pioli ka thënë se kuqezinjtë nuk ishin inferior në asnjë moment ndaj Juventusit, ani se ishin me një lojtar më pak që nga minuta e 40-të, kurse Malick Thiaw u përjashtua me karton të kuq.

“Nuk ishte rezultati që donim, por ne luajtëm mirë me 11 lojtarë, luajtëm mirë me 10 lojtarë dhe nuk ishim në asnjë pikë inferior ndaj Juventusit, kështu që mendoj se mund të kishim marrë rezultatin”, u shpreh Pioli, i cili për kartonin e kuq deklaroi se ishte një gabim naiv, si individual ashtu edhe i ekipit.

“Pjesa e dytë filloi mjaft mirë, por më pas na mungoi pak intensiteti mbi të gjitha në mesfushë. Është gjithashtu e vërtetë që ne i lejuam Juventusit pothuajse asnjë shans, kështu që me pak më shumë intensitet ndiej se mund të kishim marrë në shtëpi një rezultat shumë të rëndësishëm edhe deri në 10 lojtarë”, ka shtuar Pioli.