Misioni i NATO-s në Kosovë – KFOR, ka njoftuar se ushtarët britanikë nga Forca Rezervë Strategjike të Aleancës janë duke bërë patrulla përgjatë vijës kufitare administrative në veri.

Po ashtu, KFOR-i  ka njoftuar se kanë ofruar mjete inxhinierike për të ndihmuar në përmirësimin e sigurisë në një shkollë lokale.

“Njësia u mobilizua pas tensioneve të shtuara në Kosovë, në mënyrë që të sigurojë aftësinë e KFOR-it për të përmbushur mandatin e tij për ruajtjen e një mjedisi të qetë dhe të sigurt për të gjitha komunitetet në Kosovë”, ka njoftuar KFOR-i.