Pesë persona janë arrestuar në Lipjan, nën dyshimin për disa vjedhje të rënda.

Sipas njoftimit të Policisë së Kosovës, rastet kanë ndodhur në periudha të ndryshme kohore.

“Nga hetuesit policor të stacionit të Lipjanit dhe nënstacionit të Janjevës, janë arrestuar pesë persona të dyshuar për disa vjedhje. Rastet kanë ndodhë në periudha të ndryshme kohore (gjatë vitit 2023). Katër nga personat e dyshuar janë dërguar në qendrën e mbajtjes dhe ndaj tyre po kryhen procedurat për së paku tri raste të vjedhjeve dhe vjedhjeve të rënda. Veprimet e mëtejme ndaj personave të dyshuar, të cilët janë përsëritës të veprave të natyrës së njëjtë, po ndërmerren në koordinim me prokurorin e shtetit”, ka njoftuar policia.