Kryetari i Lidhjes Demokratike të Kosovës (LDK), Lumir Abdixhiku, ka njoftuar se ka thirrur Kuvendin e X Zgjedhor të kësaj partie.

“Në cilësinë e kryetarit të Lidhjes Demokratike të Kosovës, sipas kompetencave të përcaktuara me nenin 17 të Statusit të LDK-së, thërras Kuvendin X Zgjedhor të Lidhjes Demokratike të Kosovës me datë 19 nëntor 2023”, ka shkruar  Abdixhiku në “Facebook”.

Më tutje, Abdixhiku ka njoftuar se në po të njëjtën ditë do të mbahet Konventa Programore “Rruga e Re”.