Të gjithë e dinë se sa e lidhur është Meghan Markle me nënën e saj, Doria Ragland

Të gjithë e dinë se sa e lidhur është Meghan Markle me nënën e saj, Doria Ragland. Mediat e huaja shkruajnë se ajo qëndron në shtëpinë e mysafirëve në rezidencën Montecito të Princit Harry dhe së bijës, sa herë që ajo i viziton.

Por pavarësisht marrëdhënies së tyre të ngushtë, Doria jeton dy orë me makinë, larg nga shtëpia e çiftit, View Park-Windsor Hills në Los Angeles.

“Hello!” shkruan se prona e bukur e Ragland ka palma që ndodhen në secilën anë të pjesës së përparme. Doria trashëgoi shtëpinë nga babai i saj kur ai vdiq në vitin 2011, pasi ajo nuk mund ta blinte pronën. Megjithëse prona vlen rreth 776,268 €.

Ndërkohë ka pasur zëra se Doria mund të transferohet te shtëpia e Meghan dhe Harry-t. Jeta e Meghan Markle ka qenë gjithmonë në qendër të vëmendjes së ndjekësve të pallatit mbretëror.

Që prej momentit kur 40-vjeçarja u bë pjesë e pallatit ‘Kensington’, është konsideruar nga të gjithë si ‘fortuna’ e familjes së njohur, ndonëse disa vite më vonë ajo u shkëput nga pallati mbretëror së bashku me Princ Harry.

Mamaja e Meghan ka qenë gjithmonë një mbështetje për të. Pak para se të fejohej me Princ Harry, Dukesha duket se i ka marrë këshillat më të mira nga mamaja e saj. Një prej këshillave të Dorias, e cila e ka ndjekur Markle për një kohë të gjatë ishte se:

Do të ketë njerëz që nuk do të kenë qëllime të mira në zemrën e tyre ndaj teje, por ti nuk duhet të fokusohesh tek ta. Ti duhet të shohësh më larg tyre.

Burimet kanë shtuar se Ragland ka qenë gjithmonë në dijeni të jetës së ‘vështirë’ që e priste Meghan për shkak të paragjykimeve të shumta. Pavarësisht të gjitha problemeve duket se Markle ka arritur t’ia dalë të kthehet në një nga figurat më të dashura të Britanisë së Madhe.