Kryetari i Partisë Socialdemokrate (PSD), Dardan Molliqaj, ka publikuar një video në të cilën aktivistët e kësaj partie shihen duke i pyetur deputetët e Vetëvendosjes për Asociacionin e komunave me shumicë serbe të cilin e ka pranuar kryeministri Albin Kurti.

“A po ju vjen marre që e keni pranuar Zajednicën”  – ishte pyetja e aktivistit ndaj tre deputetëve të LV-së, Mefail Bajqinovci, Artan Abrashi dhe Arbër Rexhaj.

“Shikojeni videon se si reagojnë deputetët e LV-së dhe nuk kanë asnjë fjalë për të thënë, kur aktivisti i PSD-së, Behar Retkoceri, i ballafaqon ata për dëmet që po ia bëjnë Kosovës, me pranimin e Asociacionit”, ka shkruar Molliqaj në “Facebook”.