![](https://www.epokaere.com/wp-content/uploads/2023/11/trump-biden-1024x559-1.jpg)
Bota mes luftës, gabimet e Donald Trump që po i kushtojnë Joe Biden
Presidenti Joe Biden është presidenti i përballur me shumë kriza botërore gjatë një mandati. Nga Afganistani, lufta në Ukrainë dhe tani së fundmi ajo në Lindjen e Mesme, sipas një analize që ka bërë The Guardian, të gjitha këto janë gabime të paraardhësit të tij Donald Trump.
“Nëse presidenca e Bidenit është e mallkuar, kjo është nga trashëgimia toksike e gjeniut shumë të qëndrueshëm që i parapriu atij”, thuhet në këtë analizë.
Për luftën në Lindjen e Mesme thuhet se në vitin 2020, me kryeministrin izraelit Benjamin Netanyahu në krah të tij, Trump zbuloi marrëveshjen e tij përfundimtare për paqen në Izrael-Palestinë.
Me këtë marrëveshje ai përjashtoi dhe poshtëroi Autoritetin Palestinez të Mahmud Abbas, bindi shumë njerëz se dialogu paqësor ishte i kotë dhe kështu fuqizoi Hamasin.
Sa për luftën në Ukrainë, duket se kritikat e Trump ndaj aleatëve evropianë dhe kërcënimet për të lënë NATO-n shkaktuan një humbje të dëmshme të besimit të ndërsjellë që Biden ende përpiqet ta riparojë. Edhe sjellja e tij, grushti i shtetit bën që demokracia amerikane të shihet si e sëmurë e dështuar dhe e demoralizuar.
Në analizë thuhet se edhe marrëveshja për Afganistanin në të vërtetë ishte një kapitullim ndaj talebanëve, duke rrëzuar edhe besueshmërinë globale për fuqinë e Amerikës