Departamenti Amerikan i Shtetit ka bërë të ditur së Ndihmës Sekretari për Çështjet Evropiane dhe Euroaziatike James C. O’Brien do të udhëtojë për në Paris, Francë dhe Bruksel, Belgjikë, nga 9 deri më 14 nëntor 2023.

Në komunikatë është bërë e ditur se në Paris do të marrë pjesë në Forumin e Paqes në Paris e ku do të takohet për herë të parë me kryeministrin e Republikës së Kosovës, Albin Kurti.

O’Brien gjithashtu do të takohet edhe me kryeministrin e Shqipërisë, Edi Rama, presidentin e Malit të Zi, Jakov Milatovic dhe kryeministrin e Maqedonisë së Veriut, Dimitar Kovachevski.

Në këto takimet do të diskutohet për çështjet rajonale dhe raportet bilaterale.

“Ndërsa në Paris, ai do të marrë pjesë në Forumin e Paqes në Paris dhe do të takohet me drejtorin politik francez Frederic Mondoloni dhe zyrtarë të tjerë francezë për të diskutuar sfidat rajonale dhe globale. Ndihmës Sekretari O’Brien do të takohet gjithashtu me liderët evropianë, duke përfshirë kryeministrin shqiptar Edi Rama, kryeministrin armen Pashinyan, kryeministrin e Kosovës Albin Kurti, presidentin malazez Milatovic dhe kryeministrin e Maqedonisë së Veriut Dimitar Kovachevski për të diskutuar çështjet rajonale dhe dypalëshe”, thekson komunikata e DASH.

Ndërkohë Ndihmës Sekretari O’Brien do të takohet me Shefin e Stafit të Kryeministrit belg Peter Moors për të diskutuar mbjatjen përgjegjëse të Rusisë për luftën e saj të paprovokuar dhe brutale kundër Ukrainës. Ai do të takohet gjithashtu me zyrtarë të BE-së dhe NATO-s.

Me ftesë të presidentit të Francës Emmanuel Macron, kryeministri i Kosovës Albin Kurti ka udhëtuar për në Paris për pjesëmarrje në ”Forumin e Paqes”.

Pak para hapjes së Forumit, kryeministri Kurti, i shoqëruar nga bashkëshortja e tij ka ndarë pamje teksa është pritur nga presidenti Macron dhe Zonja e Parë e Francës.

Pamjet i ka publikuar në profilin e tij në “X”, teksa pritja është bërë në Pallatin Élysée në Paris.