Harrojeni vullkanin aktiv më të famshëm të Italisë, malin Vezuv, i cili shkatërroi Pompein në vitin 79 pas Krishtit. Kërcënimi më i rrezikshëm vullkanik në Itali për momentin është ai për të cilin ndoshta nuk keni dëgjuar kurrë: Campi Flegrei, ose Fushat Phlegraean.

Kjo fushë e thjeshtë, e cila shtrihet mes Napolit dhe Kaprit, është një kalderë gjigante i lënë nga një supervullkan rreth 2 milionë vjet më parë. Zona është e populluar me vila, fshatra të vegjël dhe qendra tregtare dhe shtëpi për 800,000. Më shumë se 500,000 nga vendasit jetojnë në atë që agjencia italiane e mbrojtjes civile e ka konsideruar një “zonë të kuqe”, një zonë që përfshin 18 qytete që janë në rrezik më të lartë në rast shpërthimi.

3 milionë banorë të tjerë të Napolit jetojnë menjëherë jashtë skajit lindor të kalderës, sipas Agjencisë së Mbrojtjes Civile. Shpërthimi i fundit i madh i Campi Flegrei ishte në 1538 dhe krijoi një mal të ri. Aktiviteti sizmik në zonë është intensifikuar që nga dhjetori i vitit 2022, sipas Institutit Kombëtar të Gjeofizikës dhe Vullkanologjisë të Italisë dhe ekspertët kanë frikë se vullkani mund të rizgjohet pas brezave në pushim. Kjo ka detyruar autoritetet që të planifikojnë evakuimin e të paktën 500 mijë banorëve brenda 72 orësh, në rast se vullkani shpërthen.